Tamasha la 44

WITO KWA WASANII KUSHIRIKI KATIKATAMASHA LA 44 LA KIMATAIFA LA SANAA NA UTAMADUNI BAGAMOYOKUANZIA TAREHE 28 HADI 31 OKTOBA 2026

UTANGULIZI:

Taasisi ya Sanaa na Utamaduni Bagamoyo (Zamani ikijulikana kama Chuo Cha Sanaa Bagamoyo)inawakaribisha wasanii binafsi na vikundi kutoka sehemu mbalimbali duniani kuomba kushiriki katika Tamashaambalo litakalofanyika katika viwanja na kumbi za Taasisi (TaSUBa - Bagamoyo) kuanzia tarehe 28 hadi 31 Oktoba, 2026, katika mji wa kihistoria wa Bagamoyo, Tanzania.

KUHUSU TAMASHA:

Tamasha la Kimataifa la Sanaa na Utamaduni Bagamoyo ni tukio ambalo ni la kipekee na lenye kuvutia sana. Kwakuwa linahusisha na kuchanganya aina mbalimbali za sanaa kama muziki wa asili na kisasa, ngoma, maigizo,sarakasi, vichekesho, mazingaombwe, mashairi, maonyesho (exhibition) na sanaa zingine. Tamasha hili linatoajukwaa la kipekee kwa wasanii wa ndani na kimataifa kushirikiana na kubadilishana uzoefu na ujuzi.

SIFA ZA USHIRIKI:

TaSUBa inawakaribisha wasanii wa fani mbalimbali za sanaa na utamaduni kwa ajili ya kuomba kushiriki katikaTamasha. Iwe wewe ni mwimbaji, mwanamuziki, mchekeshaji, msanii wa sanaa za ufundi (mchoraji, mchongasanamu), au mtaalamu mwingine wa ubunifu, tunakaribisha maombi yako ya kushiriki katika Tamasha.

JINSI YA KUOMBA:

Jaza Fomu ya Maombi: 

FOMU YA USHIRIKI WA TAMASHA - 2026.pdf

Wito kwa msanii:

WITO KWA WASANII - Tamasha la Bagamoyo 2026.pdf

Mwisho wa Maombi: August 31, 2024.

UTARATIBU WA MAOMBI YA USHIRIKI:

Ili kupata nafasi ya ushiriki, tafadhali wasilisha yafuatayo:

Fomu kamili ya Maombi:

• Maelezo ya Msanii: Maelezo mafupi kuhusu Msanii/Kikundi (Artist Biography).
• Wasilisha kazi yako: Ambatanisha picha au video fupi za kazi zako au viungo (links) kwenye portfolia aumaonyesho ya mtandaoni yanayoonyesha mtindo wako wa sanaa.

MCHAKATO WA MCHUJO:

Kamati ya Tamasha itapitia kwa makini maombi yote na kuchagua wasanii/vikundi ambao kazi zao zitaonekanakuendana na malengo na mandhari ya Tamasha. Wasanii wote watakaopata na kukosa nafasi ya kufanya onyeshowatapewa taarifa ifikapo Agosti 31, 2026.

FAIDA KWA WASANII WATAKAOCHAGULIWA:

1. Kukutana na kufanya onyesho katika hadhira kubwa yenye mchanganyiko tofauti.
2. Fursa za kujenga mtandao na wasanii wengine na wadau wa sanaa na utamaduni.

Kwa maelezo zaidi, tafadhali wasiliana

Barua pepe: bagamoyofest@tasuba.ac.tz au bagamoyofest@gmail.com

Tovuti: www.tasuba.ac.tz

Simu: +255(0) 755 853 436, +255(0) 714 510 386, na +255(0) 788 840 405