BARAZA LA WAFANYAKAZI TaSUBa LAPITISHA MAKADIRIO YA BAJETI 2026/2027

Posted on: February 3rd, 2026

Baraza la Wafanyakazi la Taasisi ya Sanaa na Utamaduni Bagamoyo (TaSUBa) limefanya kikao chake leo Februari 03, 2026 ambapo limepokea, kujadili na kupitisha mapendekezo ya bajeti ya Taasisi hiyo kwa Mwaka wa Fedha 2026/2027.

Akizungumza katika kikao hicho, Kaimu Mwenyekiti wa Baraza hilo ambaye ni Naibu Mkuu wa Chuo Taaluma, Utafiti na Ushauri Bw. Gabriel Kiiza amesisitiza uwajibikaji na bidii kazini ili kuleta ufanisi katika utekelezaji wa mipango ya maendeleo ya Taasisi.

Awali Bw. Kiiza aliwataka wajumbe kushiriki kikamilifu mijadala bila hofu kwa kutumia fursa hiyo muhimu kujadili hoja zinazojitokeza ili kufanikisha shughuli za Taasisi.